Ցյուրիխի Հայկական Դպրոցում մենք ստեղծել ենք հայալեզու միջավայր, որտեղ երեխաները հնարավորություն ունեն կատարելագործել իրենց լեզվական կարողություններն ու հետաքրքրվել հայկական մշակույթով: Մեր դպրոցի անձնակազմն ամեն կերպ փորձում է հաճելի միջավայր ստեղծել, և երեխաներն իրոք անհամբերությամբ սպասում են ամեն կիրակի միմյանց տեսնել:

Մենք ունենք սկսնակ և միջին իմացությամբ մանկապարտեզի և տարրական դպրոցի (1ին – 6րդ դասարան) երեխաների համար դասընթացներ՝ ներկայումս արևելահայերենով: Մեր դպրոցի պահանջարկի շարունակականությամբ ու ընդլայնմամբ պայմանավորված՝ ապագայում նախատեսում ենք առաջարկել նաև արևմտահայերենի դասընթացներ: Այլ տարիքի երեխաների հաճախումը ևս ողջունելի է: Խնդրում ենք կապ հաստատել դպրոցի հետ:

Մեր դասաժամերն են՝ կիրակի, 11:30 – 13:15, բացառությամբ դպրոցական արձակուրդների (մենք գործում ենք ըստ Ցյուրիխ քաղաքի հանրային դպրոցի օրացույցի): Մենք հանդիպում ենք ժամը 11:25-ին` դասերի սկսվելուց առաջ օրհներգը երգելու:

Կցանկանա՞ք սովորել հայերեն: Մեր առաջին 3 փորձնական դասընթացները ձեզ հիանալի հնարավորություն են ընձեռում դպրոց այցելել, ծանոթանալ մեր առաջարկներին, ապա գրանցվել: Մեր դասերին հաճախելու համար խնդրում ենք կապվել մեզ հետ: Սիրով սպասում ենք ձեզ: