Ցյուրիխի Հայկական Դպրոցի (ՑՀԴ) նպատակն է ստեղծել հայալեզու միջավայր, որտեղ երեխաները հնարավորություն կունենան սովորել և կատարելագործել իրենց լեզվի իմացությունը, ծանոթանալ հայկական մշակույթին, ինչպես նաև հաճելի ժամանակ անցկացնել:

• Մենք օգնում ենք պահպանել հայ ժողովրդի ժառանգությունը՝ լեզուն, մշակույթն ու ավանդույթները:
• Մենք օգնում ենք մեր աշակերտներին ոչ միայն կատարելագործել իրենց հայերենի իմացությունը, այլ նաև լեզվի հիմնավոր գիտելիքներ ստանալ:
• Հայերեն սովորելը պետք է հաճելի ու հետաքրքիր լինի:

Մեր դպրոցը ձգտում է՝

• Կատարելագործել խոսելու, գրելու, կարդալու իմացությունը, հայոց պատմության, մշակույթի, գրականության վերաբերյալ գիտելիքներ տալ, հայկական երգ ու պար սովորեցնել և այլն:
• Հայերենի իմացությունը կատարելագործելու նպատակով տարբեր բնույթի ձայնագրությունների լսում և տեսանյութերի դիտում կազմակերպել:
• Աշակերտների մեջ հայկական ոգին սերմանել, որպեսզի նրանք հավատարիմ մնան հայկական ավանդական արժեքներին:
• Մշտապես կատարելագործել մեր ծրագրերը:
• Տարվա ընթացքում կազմակերպել մշակութային և կրթական միջոցառումներ:
• Լեզվի դասընթացներն անցկացնել մեր անձնակազմի, ուսուցիչների ու ծնողների կողմից ստեղծված բարեհամբույր միջավայրում: